Gũtirĩ nganja nĩkũĩkaine wega atĩ Gĩkũyũ na Mũmbi nĩo aciari a rũrĩrĩ rwa Agĩkũyũ. No ningĩ ta ũrĩa tũĩ gutirĩ ũndũ ũkoniĩ kĩhumo kĩa Gĩkũyũ na mũtumia wake ti Mũmbi wanandĩkwo mabukuinĩ kuma tene ũcio wa agu tiga cia ndiganĩro kuma rũciaro rũmwe nginyagia rũrĩa rũngĩ.

Kumanagia na ng’ano icio cia ndiganĩro,Gĩkũyũ ombirwo nĩ Ngai kĩrĩma-inĩ gĩa Kĩrĩnyaga mĩaka-inĩ ĩyo ĩtoĩkaine. No gũtiũikaine Gĩkũyũ aikarire na Ngai Kĩrĩnyaga mĩaka ĩigana. No gũtirĩ nganja nĩ maikaranĩtie nake kahinda karaya akĩmũthomithia ũrĩa agĩrĩirwo ni gũikara na gũtũũra namũno migiro ya muikarĩre. Ũguo nĩ takuga maũndũ marĩa Ngai agirĩtieeke kana ekage nĩguo amũgocithie.

Nĩ gwakinyire kahinda Ngai agĩta GĩkũyũKĩrĩma-inĩ gĩa Kĩrĩnyaga akĩmũonereria na kaara gake harĩa egũthie gutũũra na gwaka mũciĩ wake. Gĩkũyũ agĩcũthĩrĩria na onagũtuĩka harĩ handũ haraya ma, nĩ onire atĩ harĩ handũ hathaka ma hena mĩtĩ mĩingĩ mĩnene. Na Ngai akĩmwĩra atĩ akinya, harĩa ekuona mũtĩ mũnene mwake nĩ tũnyoni tũingĩ twa nyagathanga nĩho egwĩka mũciĩ wake.

Gĩkũyũ nĩagĩtumire rũgendo rucinĩ gatene na a gĩtuĩkania ng’ongo na ng’ongo na gũtiũĩkaine athire matukũ maigana. No rĩrĩa akinyire hau na akĩona mũkũrũe Mũnene mũno wa ndĩra, mwake nĩ tũnyoni tũingĩ twa nyagathanga, na migumo ona mikũyũ ĩngĩ nĩanogete mũno, akahũta na akanyota. Aikara thĩ na etirania na mũtĩ ũcio wamũkũrũwe no gatoro kamũnyitire na agĩkoma toro wa nogonogo. Rĩrĩa okĩrire toro akorire mũirĩtu mũthaka mũno aikarĩte hakuhĩ nake, na agĩkena mũno.

Kumagia hĩndĩ ĩyo, Gĩkũyũ magĩikarania na muirĩtu ucio eta mũtumia wakena mehamwe magĩaka mũciĩ wao wa mbere hau rĩu twĩtaga Mũkũrũwe wa Nyagathanga.

Thuthainĩ mũirĩtu ucio nĩ ohire nda na akĩohoka mwana wao wa mbere makimwĩta Wanjirũ. Gĩkũyũ nĩakenire muno nĩ kũona magegania mau na agĩta mũtumia wake Mũmbi nĩ‘kũmũmbĩra’ mwana.

Gĩkũyũ na Mũmbi marathimirwo nĩ Ngai ona kinya magĩtanahĩrwo na airĩtu kenda, kenda mũiyũrũ. Airĩtu acio nĩo aciari na kĩhumo kĩa Mĩhĩrĩga kenda mũiyũru ya Agĩkũyũ.

 

Mwandĩki nĩ Guka Wakaria

Thimù Cia Mùgìkùyù

Agìkùyù moi kùhitha ndia, matiùì kùhitha ùhoro

Ageni erì matirì ùtugire

Aka erì nì nyùngù igìrì cia ùrogi

Aka na ng’ombe itirì ndùgù

Andù matarì ndundu mahuragwo na njùgùma ìmwe

Andù me muoyo matiagaga wìra

Arùme marì rwamba

Cia athuri inyuagìrwo thutha

Ciakorire wacù mùgùnda

Kùīandīkithia Kwa Irua Rīa 2017

Fomu ya kùihùria ya kùīandīkithia kwa Irua rīa mwaka wa 2017 īī haha.

 

Imenyithia

  • 1
  • 2
  • 3
Prev Next

Irua 2016

06-06-2016 Hits:1116 ìmenyithia Super User

Athuri aramati Thingira nīhīndī maraharīrīria irua rīa 2016. Ūndū ūrīa ūrī mbere yao ihinda rīrī nī kīrīra gīa Aciari mweri 30.7.2016 na kīrīra kīngī gīa Aciari hamwe na atiiri mweri...

Thoma Maingì

Agikuyu Rite of Passage

19-11-2015 Hits:1560 ìmenyithia Super User

Agikuyu Rite of Passage  

Thoma Maingì

Rùrìrì Rwa Agikuyu Gùcokereria Ngoga

16-07-2015 Hits:2099 ìmenyithia Super User

Rùrìrì Rwa Agikuyu Gùcokereria Ngoga Gìkundi kia Aramati a Thingira nìkìhotorete kwarahùra rùrìrì rwa agìkùyù na njìra itiganìte. Njìra ìmwe ya kìgirarì nì irua rìrìa nìrio njikarìro ya ùndùire wa agìkùyù....

Thoma Maingì