Airĩtu a Gĩkũyũ na Mũmbi nĩ makũrire o wega na magĩkinya handũ ha kwĩrirĩria kũgia na ciana ta nyina wao. Airĩtu othe kenda tiga Wamũyũ ‘nĩ amu Wamũyũ karĩ o kairĩtu kanyinyi’ nĩ makorire nyina wao na makĩmũria amere ũrĩa magĩrĩirwo nĩ gwĩka nĩguo magĩe na ciana take. No nyina wao ti Mũmbi akĩmacokeria akĩmera ndangĩmenya tiga oririe mũrũme.

Gĩkũyũ erwo ũhoro ũcio nĩwamũrigithirie na akĩra mũka atĩ ũhoro ũcio no oririe ũrĩa matũire nake matanonana. Kĩroko tene riũa rĩtanatema Gĩkũyũ otamũtugo nĩathire mũkũyũ –inĩ haria maranagĩria na Ngai . Akĩrora kĩrĩma-inĩ gia Kĩrĩnyaga, akĩoya moko merĩ na igũrũ, agĩthathayia Ngai na akĩmũhoya amũtaare ũrĩa airĩtu ake mangĩgĩa ciana. Ngai nĩ amwathire ere airĩtu ake matonye mũtitũ ‘na rĩtwa rĩngĩ noguo kĩrĩti’ matinie thanju o mũirĩtu kũringana na kĩrũgamo gĩake. Na meka ũguo mamũrehere mamũnengere na guoko kwa ũrĩo acigĩrĩre kĩande kĩa ũrĩo amũrehere o hau mũkũyũ-inĩ amũrutĩre igongona. Gĩkũyũ nĩekire o ũrĩa Ngai a mwathire na airĩtu othe kenda magĩtonya mũtitũ na magĩka ota ũrĩa ithe wao amathire.

Gwakĩa rucinĩ tene Gĩkũyũ nĩareherwo mĩtĩ ĩyo nĩ airĩtũ ake, na akĩmĩamũkĩra na guaoko kwa ũrĩo, akĩigĩrĩra kĩande kĩa ũrĩo na agĩthie o harĩa marĩkanĩire na Ngai no atanakinya akĩririkana atĩ ndarĩ na ngoima. No rĩrrĩa agarũrũkire acoke akĩona ngoima nene kĩbirũ ĩhatĩte mugumoinĩ. Akĩmĩnyita agithie nayo nginya mũkũyũinĩ, agĩthathayia Ngai na akĩmĩthĩnja. Arĩkia uguo nĩoire rĩrĩngĩ na gĩka na agĩthegea mwaki. Mwaki waakana, nĩaigĩrĩire thanju iria aneetwo nĩ airĩtu igũrũ ria mwaki ci ndara, Thutha ũcio, nĩacuririe gĩthũri kĩerũ kĩa ngoima ĩyo mũtĩinĩ o ucio wa mukuyu na ota mutugo akĩigĩrĩra gĩthũri kĩerũ ndaraini akĩroretie kĩrĩnyaga na thutha ũcio akĩigĩrĩra nyama icio ingĩ ndarainĩ.

 

Nĩ ũndũ wa ũnoru wa ngoima ĩyo, mwaki nĩwarĩrĩmbũkire nginyagia ũgĩtoria mũthuri ti Gĩkũyũ. Gĩkũyũ nĩamakire tondũ rũrĩirĩmbĩ rwakĩrĩrĩ-irie okũrĩrĩmbĩka nginya rũkĩmũkĩria mayu. Ona ndehota gũkuhĩrĩria riiko nĩguo arũhorahorie, oire moko na igũrũ ororete Kĩrĩnyaga agĩkaĩra Ngai o akĩmũthathayagia acokete na kĩhutatĩ. Arĩ oithathayia-inĩ nĩkwagĩire na marurumĩ, heni, githingithia, na ngawa, na orĩmwe Gĩkũyũ akĩringĩka akĩgwa. Gĩkũyũ ndamenyire aikarire kahinda kaigana atĩa atekwĩigua no rĩrĩa okĩrire, harĩa riko rĩarĩ, onire anake kenda arũngarũ marũngiĩ igũrũ rĩa nyeki nduru. Na orĩmwe akĩona ta rĩ Ngai we enyũranga atuĩka anake acio. Gĩkũyũ akĩrũgia akenete akĩmahũmbĩria agĩcoka akĩmahumba tũthitĩri na akĩmainũkia mũciĩ.

Makinya mũciĩ, O ũguo airĩtu a Gĩkũyũ na Mũmbi mona anake acio nĩ marũgirie na o mũirĩtu akĩhũmbĩria mwanake kuringana na kĩrũgamo gĩake. Mũmbi onake akenete mũno nĩoririe Gĩkũyũ kũrĩa anake acio moima na Gĩkũyũ akĩmũcokeria akĩmwĩra atĩ anake acio nĩ cienyũ cia Ngai.

Ona ũmũthĩ ũyũ tugaga ‘mwanake ni Kĩenyũ kĩa Ngai’

Mwandĩki nĩ Guka Wakaria

Thimù Cia Mùgìkùyù

Agìkùyù moi kùhitha ndia, matiùì kùhitha ùhoro

Ageni erì matirì ùtugire

Aka erì nì nyùngù igìrì cia ùrogi

Aka na ng’ombe itirì ndùgù

Andù matarì ndundu mahuragwo na njùgùma ìmwe

Andù me muoyo matiagaga wìra

Arùme marì rwamba

Cia athuri inyuagìrwo thutha

Ciakorire wacù mùgùnda

Kùīandīkithia Kwa Irua Rīa 2017

Fomu ya kùihùria ya kùīandīkithia kwa Irua rīa mwaka wa 2017 īī haha.

 

Imenyithia

  • 1
  • 2
  • 3
Prev Next

Irua 2016

06-06-2016 Hits:980 ìmenyithia Super User

Athuri aramati Thingira nīhīndī maraharīrīria irua rīa 2016. Ūndū ūrīa ūrī mbere yao ihinda rīrī nī kīrīra gīa Aciari mweri 30.7.2016 na kīrīra kīngī gīa Aciari hamwe na atiiri mweri...

Thoma Maingì

Agikuyu Rite of Passage

19-11-2015 Hits:1430 ìmenyithia Super User

Agikuyu Rite of Passage  

Thoma Maingì

Rùrìrì Rwa Agikuyu Gùcokereria Ngoga

16-07-2015 Hits:1891 ìmenyithia Super User

Rùrìrì Rwa Agikuyu Gùcokereria Ngoga Gìkundi kia Aramati a Thingira nìkìhotorete kwarahùra rùrìrì rwa agìkùyù na njìra itiganìte. Njìra ìmwe ya kìgirarì nì irua rìrìa nìrio njikarìro ya ùndùire wa agìkùyù....

Thoma Maingì