1. Wanjirũ
    Wanjirũ nĩwe nyina wa mũhĩrĩga wa Anjirũ, Mũnjirũ acukagwo atĩ e kaũndũ na kangĩ. Ũguo nĩ kũũga atĩ matigaga mbũthũ ya mĩthaiga ĩrĩa ĩ rũgoci thĩ.

  2. Wambũi
    Wambũi nĩwe nyina wa Ambũi Ambũi macukagwo atĩ matithiragwo nĩ mũkuru ũrĩ nda, Nĩara mũno nĩamu hĩndĩ ya ng’aragu meendirie kahĩĩ njahĩ. Yĩni makahumbĩte ta kairĩtu.

  3. Waceera kana Wanjeri
    Waceera kana Njeri nĩwe nyina wa mũhĩrĩga wa Aceera. Nĩ etagwo na rĩtwa rĩngĩ rĩa kũnanio Wanjeri. Mũhĩrĩga ũyũ ũĩkaine nĩ ũndũ wa waara wao wa mũcarĩrie na uramati wa indo, amu mũcera acukagwo atĩ ndaceraga na ũngĩ.

  4. Wanjikũ
    Wanjikũ nĩwe nyina wa mũhĩrĩga wa Agacikũ. Agacikũ macukagwo nĩ ndogothi tondũ matiũĩ ithĩya. No me Ngumo nene nĩundũ wa kĩo kĩao.

  5. Nyambura kana Akĩũrũ kana Ethaga
    Nyambura nĩwe nyina wa Ethaga. Ethaga ni mũhĩrĩga mwĩtigĩre mũno Niamu nĩo maagitagĩra rũrĩrĩ rũtigatwĩke rwaganu. Uguo mekaga na kũroga na mĩario ya kanua andũ aganu magaikara metigĩrĩte.. No marĩ aturi na no mahuhaga mbura ‘Macukagwo ati “Mwithaga atongaga ũtukũ”. Nĩamu wĩra ũcio wakũhahũra eki naĩ warĩhagwo ũtukũ andũ matekũmenya.

  6. Waithĩra kana Wangeci
    Wangeci kana Waithĩra nĩwe muciari wa mũhĩrĩga wa Aithĩrandũ kana Angeci. Aya nio a mũhĩrĩga utari ũcuke, no rũgiti na mbaara na haaro ciao itirirĩkaga, na ndangĩkuonia ciande. Arũme ao nĩo matongoragia ita.

  7. Wairimũ kana Gathiigia
    Wairimũ nĩwe nyina wa mũhĩrĩga wa Airimũ kana Agathigia. Acio nao nĩa mũhĩrĩga wa mwanya mũno, amu macukagwo ati Mũirimũ kana Mũgathiigia agũire na mũtĩ ni ũndũ wa kwenda aka. Yĩni kwĩgũithia na mũtĩ nĩguo mũirĩtu amũigwĩre tha amũhikĩre.

  8. Wangarĩ kana mũithekahuno
    Wangarĩ nĩwe Nyina wa Angarĩ na noo Aithekahuno. Nĩ macukagwo na makahũhio nĩ mĩhĩrĩga ĩria ĩngĩ atĩ nĩ maatĩririe wĩra ndũma cia wĩra ciahĩa na ciatũka. Matĩririe wĩra mambe marĩe ndũma marĩoiki na ũcio nĩ ũkarĩ.

  9. Wangũi- Kana Waithiegeni
    Wangũi nĩwe nyina wa mũhĩrĩga wa Angũi kana Aithiegeni, Aithiageni macukagwo nĩ ũiru na rũitho na nokĩo metagwo mbarĩ ya mũtinia ngingo. No ningĩ nĩ akũi a nyĩmbo moma.

  10. Wamũyũ kana Warigia
    Wamũyũ nĩwe warĩ kahinga nda ga Gĩkũyũ na Mũmbi na nĩwe nyina wa Aicakamũyũ. Warigia nĩ acukagwo atĩ nĩomirie mĩgiyo Ndia. Nĩguo mũhĩrĩga ũrĩa ũrĩ ũtana mũno. Nĩwe wagire mũrũme na angĩagire gũtanaha ndangĩagĩire ciana.

Mwandĩki nĩ Guka Wakaria

Thimù Cia Mùgìkùyù

Agìkùyù moi kùhitha ndia, matiùì kùhitha ùhoro

Ageni erì matirì ùtugire

Aka erì nì nyùngù igìrì cia ùrogi

Aka na ng’ombe itirì ndùgù

Andù matarì ndundu mahuragwo na njùgùma ìmwe

Andù me muoyo matiagaga wìra

Arùme marì rwamba

Cia athuri inyuagìrwo thutha

Ciakorire wacù mùgùnda

Kùīandīkithia Kwa Irua Rīa 2017

Fomu ya kùihùria ya kùīandīkithia kwa Irua rīa mwaka wa 2017 īī haha.

 

Imenyithia

  • 1
  • 2
  • 3
Prev Next

Irua 2016

06-06-2016 Hits:1019 ìmenyithia Super User

Athuri aramati Thingira nīhīndī maraharīrīria irua rīa 2016. Ūndū ūrīa ūrī mbere yao ihinda rīrī nī kīrīra gīa Aciari mweri 30.7.2016 na kīrīra kīngī gīa Aciari hamwe na atiiri mweri...

Thoma Maingì

Agikuyu Rite of Passage

19-11-2015 Hits:1464 ìmenyithia Super User

Agikuyu Rite of Passage  

Thoma Maingì

Rùrìrì Rwa Agikuyu Gùcokereria Ngoga

16-07-2015 Hits:1948 ìmenyithia Super User

Rùrìrì Rwa Agikuyu Gùcokereria Ngoga Gìkundi kia Aramati a Thingira nìkìhotorete kwarahùra rùrìrì rwa agìkùyù na njìra itiganìte. Njìra ìmwe ya kìgirarì nì irua rìrìa nìrio njikarìro ya ùndùire wa agìkùyù....

Thoma Maingì